Русенската митрополија соопшти дека на 25 декември 2025 година, на празникот Рождество Христово, со благослов на Вселенскиот патријарх Вартоломеј, Русенскиот митрополит Наум ќе ja предводи свеченаta света Литургија во егзархискиот параклис „Свети Јован Рилски“ во Истанбул, во населбата Шишли, каде што се наоѓа зградата на Бугарската егзархија.
Егзархискиот дом, заедно со познатата Железна црква „Свети Стефан“, претставува духовен и културен центар на бугарската православна заедница во Истанбул. Од митрополијата упатуваат повик до припадниците на бугарската заедница, како и до сите верници и гости на градот, да земат молитвено учество во празничното богослужение.
Посетата на митрополитот Наум е поврзана и со подготовките за мирната посета на патријархот Даниил на Вселенската патријаршија, прва по неговото востоличување.
Патријархот Даниил ќе го посети Истанбул по одлука на Светиот Синод на Бугарската православна црква, со цел да се испочитува вековната и утврдена еклисиолошка практика, според која секој новоизбран поглавар остварува свое мирно посетување на Великата Христова Црква во Константинопол, како историски центар на православието. Оваа посета се реализира согласно канонскиот и литургискиот ред на диптисите на Помесните православни цркви.
Патријархот Даниил ќе биде придружуван од делегација составена од синодални митрополити и службеници на Бугарската патријаршија, а пристигнувањето во Фанар е најавено за попладневните часови на 25 декември.