Петар и Тимотеј остануваат во работниот состав на Синодот

Владиците Петар и Тимотеј остануваат во работниот состав на Синодот на МПЦ-ОА и заедно со Архиепископот Стефан ќе продолжат и во следниот период да носат одлуки за МПЦ-ОА. Иако според Уставот на МПЦ-ОА секоја кодина се избора нов член на работниот состав на Синодот, сепак на последната седница на Пленарниот состав (сите епархиски архиереи) е одлучено тие да го продолжат својот мандат.

Зошто не е променет составот на работниот Синод нема информации, но дали на овој начин е пркршен Уставот на МПЦ-ОА?

Составот на работниот Синод е утврден со членот 32 од Уставот на МПЦ-ОА, каде пишува дека го сочинуваат Архиепископот, кој е претседател и два члена од епархиските архиереи.

Мандатот на членовите е две години, а актуелниот состав беше избран во септември 2022 година и оттогаш до сега требаше да се изврши избор на најмалку еден нов член на Синдот, бидејќи според Уставот: „секоја година се бира по еден нов член на Светот Синод“. Според оваа одредба редовниот состав требал да има нов член избран до септември 2023 година, а сега до септрември 2024 година да избре уште еден нов член.

Но, во истиот член пишува и дека „Ако се најде за потребно, Светиот Синодт мандатот на членот од работниот состав може да му го продолжи и најмногу за уште две години“.

Целиот член 32 од Уставот на МПЦ-ОА е малку конфузен и во судир на одредби една од друга. Ако работниот состав има два члена и со мандат од две години, како е можно истиот член да предвидува избор на нов член секоја година?

Во секој случај, и во следните две години клучните одлуки во МПЦ-ОА ќе ги носат владиците Петар, Тимотеј и Стефан.