Верски календар: 27 февруари
КАТОЛИЧКА ЦРКВА/ Св. Габриел од Жалната Богородица.
Бил роден во 1838 година во Асизи, во Италија. На 18-годишна возраст отишол во редовите на пасионистите. Бил страствен ловец, сакал да танцува и убаво да се облекува. Луѓето што го познавале биле многу изненадени кога дознале дека се определил за духовниот живот. Ги почитувал правилата во редот и имал нагласена побожност кон Жалната Девица Марија. Затоа бил наречен Габриел од Жалната Богородица, а неговото вистинско име било Франческо. Умрел во 1862 година.
