Претседателот Ѓорге Иванов, министерот за внатрешни работи Оливер Спасовски и претседателот на ВМРО-ДПМНЕ, Христијан Мицковски заеднички го прославија денот на Свети Наум Охридски во манастирскиот комплекс на Попова Шапка.
Светата литургија за патрониот празник на манастирот служеа владиците Пимен и Јосиф.
Претседателот Иванов го прокоментира заедничкото присуство на политичките претставници на власта и на опозицијата.
-Секогаш кога сме сплотени наоѓаме решение и за најтешките проблеми, и тоа низ историјата сме го имале како позитивен пример. Празниците не треба само да ги славиме, туку и да се обединиме и да бидеме заедно во моментите кога треба да покажеме слога“, рече Иванов.
