Крушевско-демирхисарската митрополија ќе организира голема литија со моштите на Свети Климент Охридски, патрон на МПЦ-ОА на денот кога црквата го празнува преносот на неговите мошти, в недела на 11 август.
Пред литијата во 17 часот во храмот „Свети Никола“ќе биде отслужи Вечерна богослужба во спомен на патронот на Македонска Православна Црква – ОА, Свети Климент Охридски.
-Затоа Ве покануваме благочестиви христијани, да се поклониме на моштите на нашиот патрон и заштитник на целиот наш македонски народ, светиот Климент Охридски! На Литијата ќе чиноначалствува Епископот делчевско – каменички г. Марко во сослужение на Митрополитот крушевски и демирхисарски г. Јован, а предавање ќе одржи отец Предраг Попович на тема “Смирението и моќта”. Литијата ќе започне од храмот „Свети Никола“ и ќе се одвива по главната улица на нашиот град и повторно враќање при храмот, велат од Митрополијата.
