На почетокот на август, старешината на претставништвото на Руската православна црква во Чешка, протојерејот Николај Лишчениук, беше прогласен за персона нон грата од страна на чешките власти.
Во рок од еден месец, тој треба да ја напушти земјата. Обвинет е дека „со поддршка на руските власти создал структура за влијание и ја загрозува безбедноста на земјата“.
За случајот известуваат чешкото издание denikn.cz и РИА Новости. Педесет и едногодишниот свештеник Николај Лишчениук пристигнува во Чешка околу 2000 година. Според неговата официјална биографија, тој служел во храмот при руската амбасада во Прага, а подоцна и во Карлови Вари, во црквата „Св. Петар и Павле“. Во 2009 година е назначен за старешина на претставништвото на Московскиот патријарх во Прага, кое било отворено малку пред тоа – во 2007 година.
Во август 2023 година, Министерството за надворешни работи на Чешка ја прекинува неговата дозвола за престој. Тој ја оспорува оваа одлука и случајот стигнува до Уставниот суд, но го губи.
Отец Николај бил под надзор на чешките специјални служби поради „непосакувани активности“.
Во документите од случајот се наведува дека со помош на државните органи на Руската Федерација организирал „структура за влијание, која имала за цел да поддржува сепаратистички тенденции во земјите на Европската Унија“. Затоа, според властите во Чешка, настанало „оправдана претпоставка за закана за безбедноста на земјата“.
Во чешките медиуми се појавија информации за врски на клирикот со руски бизнисмени при реновирањето на храмот во Карлови Вари, а исто така и за „матни приходи“ на Руската православна црква од фирма за изнајмување на станови и места во Чешка. Веќе во јуни годинава, Уставниот суд на Чешка излезе со конечна одлука, а месец подоцна се одржа и вонредна седница на чешкиот сенат во врска со активностите на структурите на Руската православна црква во земјата.
Според претседателот на парламентарната комисија за надворешна политика Павел Фишер, „би било грешка да дозволиме во нашата земја да дејствуваат правни лица кои се поврзани со држава која е непријателска кон нас“. Особено затоа што претставништвото е потчинето на патријархот Кирил, кој од април 2023 година се наоѓа на списокот на санкции на Чешка, изјави Фишер за време на прес-конференција по повод протерувањето на рускиот свештеник.
Чешките медиуми потсетуваат дека ова не е прв ваков случај. Во септември 2023 година, од Бугарија е депортиран старешината на руското претставништво во Софија, архимандрит Васиан (Змеев), заедно со двајца свештеници (едниот всушност не бил клирик). Тие беа повикани во миграционата служба за да им се соопшти дека се прогласени за персона нон грата и дека треба да ја напуштат земјата во рок од едно деноноќие.
Во февруари годинава, не беше продолжена дозволата за престој на поглаварот на Естонската православна црква, Талинскиот митрополит Евгениј (Решетников), поради неговата позиција за војната во Украина. Тогаш естонските власти објавија дека Руската православна црква, која ја поддржува агресијата на Русија, е опасна за земјата.
Кога ги протеруваат благодатните православни Руси од своите земји, се знае во кој филм се властите на некогашните членки на Варшавскиот Пакт, денес членки на еден друг тоталитаристички пакт со многу поопасни идеолошки темели и милитантни, квази-мировни инструменти. Колективниот Запад успеа да направи играчки од некогаш социјалистичките словенски народи, играчки со кои си игра братоубиствена војна. И тие играчки просто го молат и потсетуваат својот господар што поживо да ги мрда, за да не останат здрвени и безначајни во својата доброволна, одамна потпишана безживотност. Православните мисии во тие земји се успешно замолкнувани со паролите на демонократијата, на властите кои настојуваат на безначајноста на живата вера во Бога и на самонаречената драгоценост на гревопадот во модерен амбалаж, на инклузивност која ревносно ги прегрнува ексклузивните духовни мртовци и настојува да ги отсече живите врски меѓу православните народи на ЕУ со нивните стари матици. Паролите за еднаквоста и рамноправноста звучат супериорно, но фактите на Божјото присуство и благодејство имаат наполно поинакво сведоштво, во кое ниедна државна власт не може да учествува според нејзините амбиции и планови. Значи, ако отворите Википедија на македонски јазик, ќе најдете дека Чешка и Естонија се земји со најмал број религиозни жители во Европа, а Чешка изгледа дури и во светски рамки е некаде на врвот. На пописот од 2011 година (ова ќе го најдете на англиската Википедија на пример) 44, 7% од жителите на Чешка не сакале да се изјаснат (!!!) по прашањето на вероисповедта, 34,5% се изјасниле како нерелигиозни, 10,5% како Римокатолици, 6,8% како верници коишто не припаѓаат на ниедна конфесија итн., Православни Христијани евиденцијата не прикажува и покрај фактот на автокефалната Православна Црква на Чешките земји и Словачка, која според пописот од 2001 во Чешка броела околу 23000 верници, а во Словачка околу 50000 верници. Но, забележана е појава на најбрз пораст на православни новообратени во споредба со сите традиционални верски заедници во Чешка и во Словачка (така вели српската Википедија). Значи, ако погледнеме историски, Православието е најсилно и за жал најуспешно прогонувано токму во овие земји уште веднаш по смртта на Св. Кирил и Методиј, кога на овие народи им е присилно наметнат латински обред, па ете и до денешни дни. Особено за време на Втората светска војна православните клирици се масовно стрелани. Руската Православна Црква одиграла своја благородна улога во организирањето Чешка Православна Црква по војната, на која и’ била доделена автокефалност. Раздорната улога на Цариградската Патријаршија во историјата на Чехословачката Православна Црква нема да ја споменуваме, со оглед на нејзината епизодна улога, а и затоа што не отскокнува многу од моделот на нејзиното дејствување во останатите европски земји. Сепак факт е дека политичката борба на разните јурисдикции во Чешка и Словачка, а очигледно и во Естонија, си го направиле своето, па денес е беспредметно со фашистички триумфализам да се известува како некој руски епископ или архимандрит или свештеник бил прогонет и оневозможен во поглед на неговата мисија во овие земји, затоа што не ја проколнал војната којашто неговата земја ја води против трета земја. Изговори се тоа, ефтини изговори на демонот под кои сака да го ништи делото Божјо. Но свесни сме дека колку повеќе демонот настојува толку повеќе Бог им ја умножува силата на прогонетите и благодатта на христијаните лишени од раководството на овие невини клирици, кои денес беа изгонети од некои европски земји за да можат на раат безбожниците да си го вијат своето оро глумејќи лажно миротворство, миротворство без Господ. А секоја таква игра опасно пропаѓа, па и оваа.
Vojnata vo Ukraina treba da se posmatra niz prizma na prethodnite nastani vo svetot.Pred 2014 g, Amerika imase isprateno vojni trupi na nekolku mesta na zemjata, bazi imase vo Dzibuti,Afganistan,Bahrein, sto citavme po mediumi site tie zemji se “opasnost” za svetskiot mir i nemaa osnovni covekovi prava ,kako edna “demokratska “zemja Amerika sto ima i otidoa da vovedat red.Red voveduvaa i vo Srbija koga Milosevic ne se pokori i mislese kako i site Srbi potoa deka Albancite se dojdenci,si imaat svoja drzava ,vo Srbija se znae koj e gazda , i taka voveduvajki red bombardiraa suverena zemja vo 1999 g, posledica bese izolacija ekonomska na toj narod , siromastvo i otseluvanje na mnogu mladi,i celosni semejstva.Da ne odam uste poveke , neka e 2014g i 1999 g. primer deka ne pocnuva istorija od fevruari 2022 koga Rusija objavi vojna na Ukraina.Sekoe prozivanje na Rusija za vojna vo mene budi sekavanje na se ona sto gledavme kako nemi svedoci i nisto ne mozevme da napravime sto edna golema zemja moze da napravi so ostatokot na svetot.Prozivajte gi, no jas sekoj pat na toa prozivanje pomisluvam deka ete se najde nekoj i na Amerika da i kaze “ne” i “do tuka” .Obikoluvajte ja od site strani, taa zemja , sto kaza ne, ke najde nacin da opstoi.Ke trosite sredstva, vasite narodi vo vasite zemja , ke trpat od budzet sto odeluvate za vojna industrijanamesto za rabotni mesta, mislete deka sto i da vi se svidja vo svetot, moze da prisvoite i mislete samo na svoite semejstva, zasto site ostanati semejstva odamna naucija da ne vi veruvaat na vasite sitni spletki.Sfatete go komentarot kako podrska kon site onie sto pocituvaat tudja i svoja sopstvenost.Koga sme tuka , tie “matni zdelki” vo Karlovi Vari sto se stavaat vo kontekst so vojnata, sigurno biznismenite mozat da funcioniraat zasebno, nezavisno , ako veke se kazale biznismeni, ne ke e ,em tudja zemja, Ceska, em tie se ruski biznismeni, em zavojuvale konkretenite zemji , em koristi sto mozes od tudjo, dodeka e matno.I ne e Rusija okupator, nie sme slovenski zemji ,ppravoslavni, Amerika nametnuva nivna kultura i vrednosti koi ne se pravoslavni,Pravoslavnite zemji , ne se ostanati mnodu,na Balkan, jugo-istocna Evropa,Rusija ,spodeluvame ist krst.Sorabotka so braka ne e okupacija zasto ne nametnuvas nisto, sozivotot e edno postojano slavoslovenje na Sozdatelot i blagodarenje za se.Moze i Amerika da sfati i da ima preminuvanje vo pravoslavie na toa naselenie zaradi prifacanje na pravoslavnite vrednosti.
Slava na Gospod za se.