Група верници од храмот „Свети Николај Мирликиски“ во Аеродром, предводени од надлежниот свештеник, отец Бобан Митевски два дена биле на поклоничко патување во Република Бугарија.
Групата македонски верници, која со благослов на Неговото блаженство, Архиепископот охридски и македонски г. г. Стефан ги посетила храмовите во градот Софија: катедралниот храм „Свети Александар Невски“, храмот „Света Софија“, храмот „Свети Николај Чудотворец“, кој воедно е подворје на Руската православна црква и во кој се чуваат моштите на неодамна прогласениот светител – Архиепископот Серафим Соболев, била пречекана со голем почит од претставници на Бугарската православна црква.
-На крајот од посетата на Софија, верниците се поклонија и на дел од моштите на светиот Лука Војно-Јасеницки во храмот „Света Недела“, кои со благослов на Московскиот патријарх и на цела Русија г. Кирил, беа донесени на поклонение во Р. Бугарија. Покрај средбата со светителот-хирург, чиј култ меѓу верниците во Р. Македонија е застапен, групата се израдува и од средбата со Неговата светост, Патријархот Бугарски г. Неофит, од кого сите примија благослов, вели Отец Бобан Митевски, кој го предводел поклоничкото патување во Бугарија
Македонските верници биле во посета и на манаститрот на светиот Јован Рилски, каде биле примени со љубов и топло гостопримство на ноќевање.
-Утредента верниците земаа учество во светата Литургија. На враќање, во Македонија групата го посети и манастирот „Свети Јоаким Осоговски“, каде што се поклони на моштите на овој наш преподобен отец, посочува свештеникот на МПЦ.
/РЕЛИГИЈА.МК
Македонците засекогаш са добре дошли во Бугариjа!