Дебарско-кичевскиот митрополит Георгиј ја имал првата средба со владика на Вселенската патријаршија. Георгиј бил домаќин на Митрополитот на Имврос и Тенедос, Кирил во неговата резиденција во Охрид,
Епархијата ја обави веста за посетата, сподели фотографија, но не прецизира детали за што е разговарано.
-Во просториите на Дебарско-кичевската епархија, Неговото Високопреосвештенство Митрополитот г. Георгиј, го прими г. Кирил, Митрополитот на Имврос и Тенедос, кој со група поклоници од својата епархија го посети Охрид, стои во соопштението.
Митрополитот Кирил, повторно е во Македонија и денеска ќе служи за Свети Георги во манастирот во Рајчица. Бигорски претходно објави дека неговото служење е со благослов на Митрополитот Георгиј.
Кирил од Имврос е еден од владиците на Вселенската патријаршија, кој има пријателски однос кон МПЦ-ОА и практично е задолжен за комуникацијата со МПЦ-ОА. Дали оваа негова нова посета навестува некои нови односи во Фанар, кои извесен период се прекинати, ќе покаже времето.
