Во северна Естонија, ентузијастот и долгогодишен љубител на црковната архитектура, Маргус Тамемее, го купил храмот-руината во селото Синалепа, Естонија, посветен на свети Никола, изграден во 1896 година, со цел да гореставрира и да му даде некаква функција, реализирајќи ја на тој начин својата страст кон културното наследство.
Црквата, која била осветена на 10 септември 1896 година, функционирала до 1962 година кога била затворена од советските власти и пренаменета за објект на локалниот државен земјоделски комбинат („совхоз“).
„Се фасцинирам од цркви веќе децении. Кога патувам, ја посетувам секоја црква покрај патот. Во последните години дури се осмелив да кажам и дека би сакал да поседувам црква — но никогаш не сум верувал дека тоа навистина ќе се случи во овој живот“, изјавил Тамемее.
Откако ја купил парцелата − која вклучувала стара училишна зграда и штала користена од селаните − тој вложил цела година во чистење и расчистување на објектите.
Историчарот на уметност и реставратор Јухан Килуметс предупреди дека „руината“ бара огромна посветеност, време и средства: „Првиот чекор е документирање на состојбата. Потоа следува обезбедување на руината. Само потоа, ако има енергија и пари, може да се почне со вистинската реставрација.“
Тамемее веќе планира следна сезона да го отвори објектот за културни настани – концерти, претстави, гала вечери– додека постепено работи на проектот.
Оваа иницијатива претставува пример за тоа како старите верски објекти, иако оставени во распаѓање, можат да добијат нов смисла преку приватна заложба.
