Свештенството и членовите на црковните одбори на Австралиско-синдејската епархија го одржа епархиското собрание со благослов на Архиепископот Стефан, како администратор на оваа епархија.
На 02. 09. 2025 година во Рокдејл, Сиднеј епархиското собраниел донело значајни одлуки за Епархијата.
Пред почетокот на работниот дел на собранието во храмот „Света Петка“ во присуство на сите делегати од парохиските храмови при епархијата, чесното свештенство отслужи Молебен, а потоа и Помен за блаженоупокоениот Митрополит Тимотеј. На овогодинешното собрание присуствуваа над 40 делегати, кои според дневниот ред, донесоа значајни одлуки за функционирањето на Епархијата и за напредок на црковниот живот на македонскиот народ. Собранието го разгледа и прифати финансискиот извештај на Епархијата, беа избрани нови членови на телата и органите на Епархијата, а беа разгледани и повеќе прашања од животот на Епархијата. Епархиското собрание заврши во братска атмосфера, исполнета со чувство на заедништво и духовна радост, а присутните го посведочија живото присуство на Светиот Дух, Кој ги раководи и обединува сите членови на Црквата, стои во соопштението од епархијата.
