Директорот на Комисијата за односи со верските зедници, Даријан Сотировски, денеска имал средба со Авад бин Себлиј Ал Анезиј, заменик министер за исламски прашања на Саудиска Арабија, на која присуствувал и поглаварот на Исламската верска заедница во земјава, Шаќир еф. Фетаи.
Како што информира Комисијата, на средбата се разговарало за продлабочување на соработката со Исламската верска заедница и со институциите на државата, „во насока на подобро запознавање и искористување на широките можности кои ги нудат современите културни, економски и образовни практики“.
-Заменик-министерот Ал Анезиј го изрази задоволството од посветеноста на македонските институции и верски заедници да создадат стабилна општествена кохезија и најави дека неговата посета е увертира во идниот период на почеста и подлабока соработка. Директорот Сотировски упати на посветеноста на македонската држава да гради внатршна хармонија, што секако е условено од бројни предизвици, но и да биде во отворена соработка со сите суверени држави со кои гледа заемен интерес кај граѓаните на двете држави за одржлив развој и благосостојба, се наведува во соопштението.
