Втора година по ред, Бадниковите поворки на радост коишто вообичаено вклучуваат директно учество на неколку илјади деца, ќе бидат заменети со големи хуманитарни акции низ плоштадите во Македонија.
Идејата е насловена „црвен тепих на хуманоста“ и лесно е препознатлива по Божиќна пештера која е поставена на плоштадите.
-За жал, пандемиските услови налагаат да се воздржиме од поголемо групирање и на секој можен начин да се потрудиме да го заштитиме здравјето на најмалите и најмилите. Затоа Божикната радост, љубов, топлина и добрина во целиот претпразничен период и за време на Бадник и Божик, ќе ги шириме во вид на грижа за нашите сограѓани коишто се погодени од кризата и имаат егзистенцијални проблеми, велат огранизаторите.
Акцијата трае од 28.12.2021 до 05.01.2022 на плоштадите и други фрекфентни места низ речиси сите градови во Македонија.
-Поставен покрај Божикната пештера, со црвениот тепих, симболично ќе ја истакнеме потребата за помош на ближните како наша најголема христијанска должност, а наши ѕвезди на црвениот тепих, ќе бидат сите хумани граѓани, фирми, организации, здруженија, велат од организаторите.
За оние кои ќе сакаат да подарат, особено важно е да знаат дека се собира исклучиво нерасиплива храна, тоа подразбира храна која не подготвена, туку производи кои служат за подготовка на храна.