Пеејќи ја бадниковата песна „Вечниот Бог“, најмалите утрово го најавија Христовото Раѓање – Божик. И оваа година од храмот Свети Димитрија во Скопје, па се до Соборниот Храм, Свети Климент Охридски, во голема Бадникова поворка, беше одбележан Бадник, денот пред Христовото Раѓање.
Претходно децата кои учествуваа во поворката беа на утринската литургија, а потоа во Соборниот Храм ја пееја „Вечниот Бог“ пред Архиепископот Стефан.