Музичарот и композитор, Златко Ориѓански на својот фејсбук сподели цитат од обраќањето на имамот Мухамер Исмаил од Иса Беговата џамија во Скопје.
Религија.мк го пренесува во целост
„Браќа, ние со Македонците немаме никаков проблем, ние сме еден од најкоректните народи на Балканот. Ви го кажувам ова бидејќи имаме навистина многу другари и комшии Македонци. Ние со македонскиот идентитет немаме никаков проблем, ние велиме дека сте Македонци и ние ве почитуваме како Македонци, ние немаме проблем ниту со вашата црква како што некои имаат, а вие ги сметате за ваши пријатели, ние велиме дека таа е ваша Македонска црква и имаме почит кон неа, а доказ за тоа се многуте цркви кој функционираат без проблем во населените места каде мнозинството граѓани се Албанци. Ние немаме проблем ниту со македонскиот јазик, ниту со името на државата затоа што ве почитуваме, ние соживотот со вас не сакаме да го расипеме. Ќе има живот во нашата мила Македонија и нема да дозволиме на некои криминалци да го расипат тоа.„
