Главниот уредник на црековниот портал, Литургија.мк, Антониј Петрушевски напишал анализа и свое видување за состојбата во која се наоѓа МПЦ-ОА, а е овјавена на интернет страницата на Кумановско-осоговската епархија.
Во Анализата, отец Петрушевски фокусот го става на две прашања. Едното е Томосот од СПЦ и вториот фокус е прашањето за украинската автокефалност.
Во делот за Томосот од СПЦ, Петрушевски го брани ставот дека овој документ и гарантира на МПЦ-ОА вистинска автокефалност и дека Вселенската патријаршија нема основа, ниту потреба да издава нов Томос за автокефалност на МПЦ-ОА. Но, во анализата не дава одговор зошто речиси сите помесни православни цркви одлучија да не го прифатат овој Томос.
Сепак, она што е далеку позагрижувачки е ставот во поглед на украинската автокефалност. Петрушевски цитира тези и ставови на теолизи кои за црквата во Украина користат терминологија на расколници и на тој начин оспорувајќи го правото на Украинците да имаат своја автокефална црква.
Бранењето на руската духовна окупација во Укарина, е исто како плукање по коските на македонските автокефалисти кои со децении се спротивставуваа на обидот за српска духовна окупација на Македонија.
