Нова скандалозна проповед на Рускиот Патријарх – Црквата и светителите имале задача да ги обединат „сите руски земји“

За рускиот патријарх Кирил главната цел на црквата и на светителите на земјата е да ги обединат „сите руски земји“, без разлика на средствата за постигнување на тоа. Тоа го кажана за време на пропведта за празнувањето на свети Алексиј Московски.

„Свети Алексиј ги обединил сите руски земји под својот омофор, но не можејќи да остане во Киев, мајката на руските градови, останал после светителот Петар во градот Москва, каде што се преселила првопрестолната катедра на цела Русија. Исто така, свети Алексиј цел живот се трудел да ја обедини Русија… Знаеме колку било тешко во негово време, но тој навистина го сметал обединувањето на Русија и зачувувањето на единството на Руската црква како своја главна цел на земјата, изјави Рускиот патријарх.

„Навистина“, продолжи поглаварот на Руската црква, „свети Алексиј не успеал да ја постигне целта што си ја поставил – обновувањето на единството на Света Русија. Но, знаеме дека извесно време подоцна Русија беше обединета со политички средства, и се додека беше силна, се додека беше независна од влијанијата од непријателски земји и сили кои не можеа да се помират со големината и силата на Русија, нашата Црква остана обединета.

Во истата беседа од денес во зборовите на патријархот се забележува признавање на пораз за „Света Русија“:

Денес, иако остануваме духовно обединети, сепак сме поделени, а Киев, мајката на руските градови, е главен град на држава, којашто, за жал, е токму државата, а не народ! – не може да се нарече пријателски во односот кон Русија. И тоа не се случува затоа што народот така одлучил, туку затоа што силите кои секогаш работеле на уништување на Русија, од древните времиња до денес, извојувале победа – се надеваме, привремено – и ги создале условите во кои Русија денес е поделена.

Московскиот патријарх Кирил се осврна и на единството на Црквата, која за него може да биде само една – руската:

„Што го одржува единството? Нашата Руска црква! Знаеме колку е тешко денес да се биде член на Украинската православна црква – Московски патријархат… За духовно да се подели нашиот народ, вештачки се создаде една расколничка група, лишена од секаква благодат. Но, овие маскирани луѓе не можат да бидат духовни водачи, бидејќи нема благодат врз нив, а народот, на крајот на краиштата, го чувствува тоа и, и покрај репресиите и притисокот, го одржува единството со Црквата на цела Русија“.

Ваквиот заклучок на рускиот патријарх не е во согласност со ланската одлука на УПЦ со која таа прогласи независност од Московската Патријаршија. Тоа го забележува и некогашниот близок соработник на патријархот Кирил, а сега негов отворен критикувач Сергиј Чапнин:

„Зборовите на Кирил: „Знаеме колку е тешко денес да се биде член на Украинската православна црква – Московски патријархат“ се многу подмолен удар во стомакот за митрополитот Онуфриј, архиепископот Силвестер Стојчев и сите што се обидуваат да нè убедат една година дека УПЦ повеќе не е дел од РПЦ. Мислам дека судот во Украина, кој се занимава со оваа проблематика, ќе добие уште еден тежок аргумент за потсмевање кон сите оние кои тврдат нешто поинаку. Зошто на Кирил му треба ова? Сосема е можно да не ја разбира, па ни да не го интересира ситуацијата во Украина, а тие клишеа што ги составуваше претходните години му се сосема доволни. Со еден збор, вака: денес УПЦ ја има последната – и веќе занемарливо слаба шанса – сосема и целосно да раскине со РПЦ. Потребни ни се јасни, прецизни формулации, конкретни чекори, храбри акции. Ако ова не се случи, тогаш дури и јас повторно ќе почнам да ја нарекувам УПЦ како порано – УПЦ-MП. Не сакам, но да бидам искрен, морам“.