Секторот за компјутерски криминал во МВР отвора предмет врз база на документи за случајот со говор на омраза кај поглаварот на Исламската верска заедница во земјава, реисот Сулејман Реџепи. МВР ги презема работите во свои раце, по вчерашната пријава што ја поднесе Хелсиншкиот комитет.
Осуда за говорот на омраза пристигна и од Владата.
„Владата го осудува секој говор на омраза, без разлика дали е искажан на социјални медиуми, на трибини или каде било“, изјави владиниот портпарол, Миле Бошњаковски.
