На Роману Колесников, свештеник на Руската православна црква, му бил забранет влез во Естонија поради заканаза националната безбедност, објавил Естонската јавна телевизија.
Колесников, кој во есента на 2025 година почнал да служи во Естонската православна христијанска црква(претходно позната како Естонска православна црква на Московската патријаршија), не смее да ја напушти и повторно да влезе во земјата откако Министерството за внатрешни работи ја донело оваа одлука.
Естонското Министерство за внатрешни работи соопштило дека одлуката е поврзана со потенцијална закана за националната безбедност. Раководителот на Одделот за внатрешна безбедност, Кристиан Перт, изјавил дека активностите на Колесников ја поддржуваат „агресивната надворешна политика на Русија“ и идеологијата позната како „Руски свет“, која, според Талин, се користи за оправдување на војни и насилство.
Во соопштението се додава дека структури поврзани со Руската православна црква систематски се користат од руските служби за разузнавање за поткопување на безбедноста на други држави, што според властите е една од причините за забраната на влезот.
Колесников е трета религиозна личност на која во последната година му е изречена таква забрана од истите причини. Естонската православна христијанска црква досега не дала конкретен коментар за одлуката.
