Претседателот Ѓорге Иванов и директорката на Комисијата за односи со верските заедници и религиозните групи, Валентина Божиновска присуствуваа на светата архиерејска литургија за Свети Климент Охридски, што ја служеше Архиепископот Охридски и Македонски, г.г. Стефан во соборниот храм во Скопје.
На Архиепископот му сослужуваа митрополитот Преспанско-пелагониски г. Петар, митрополитот Струмички г. Наум, митрополитот Повардарски г. Агатангел, митрополитот Брегалнички г. Иларион, митрополитот Тетовско – гостиварски г. Јосиф и митрополитот Кумановско-осоговски г. Јосиф, заедно со Архимандритот Партениј и многубројно свештенство и ѓаконство.
