Непознати лица ги искршиле бравите на двете метални порти што го оградуваат западниот дел од дворот на катедралната црква Света Софија во Охрид.
Портите беа поставени за да се огради тој простор што се користи како летна сцена за одржување културно-музички манифестации, најчесто во рамки на програмата на Фестивалот „Охридско лето“.
Настанот е пријавен во полиција која вчера извршила увид а лице место, така што останува да преземе активности за расветлување на случајот.
Заклучувањето на просторот наиде на негодувања кај жителите од тој дел на Охрид, барајќи од Дебарско-кичевската епархија портите да бидат отклучени во текот на денот заради непречено движење на пешаците.
Не е познато дали насилното обивање на металните порти кај Света Софија е дело на револтирани граѓани или за листо вандалски чин, останува тоа да го утврди истрагата.
