Исламската верска заедница многу скоро ќе ја почне изградбата на новата џамија во Топанско поле. Подготовките се во завршна фаза, а за деталите на средба во седиштето на ИВЗ, разговарале Поглаварот Сулејман Реџепи и аташето за верски прашања на Турција при амбасадата во Македонија, Алкан Мурат. Во турската делегација биле и двајца архитекти, кои ја имаат административната одговорност за изградбата на џамијата.
Поглаварот на ИВЗ, Сулејман Реџепи на средбата искажал благодарност за завршените формалности околу процедурата за изградба на џамијата.
Џамијата ќе биде една од поголемите џамии во Скопје и на Балканот.
