Екс директорот на УБК, Сашо Мијалков и неговиот брат, Владимир Мијалков добија одликување од МПЦ-ОА. Орденот Свети Николај им беше доделен денеска од страна на Брегалничкиот митрополит Иларион.
Двајцата се ктитори на црквата Свети великомаченик Димитриј во Ново Село Штип, која денеска беше осветена.
Осветувањето го изврши, Архиепископот Стефан во сослужение на митрополитот Иларион и епископот Јаков.
-На 03.11.2024 година, Недела 19-та по Педесетница; св. Иларион Мегленски, преп. Иларион Велики, преп. Филотеј; се изврши осветување на новоизградениот храм посветен на “Св. вмч. Димитриј Солунски” во Ново Село, Штип, и се отслужи Света Архиерејска Литургија, а чиноначалствуваше Неговото Блаженство господинот и отец наш г.г. Стефан, Архиепископ Охридски и Македонски, во сослужение на Митрополитот Брегалнички г. Иларион и Епископот Стобиски г. Јаков. Храмот е ктиторско дело на г. Сашо Мијалков, г. Владимир Мијалков и нивните семејства од Скопје. На крајот од Светата Литургија, Неговото Блаженство г.г.Стефан одржа пригодна беседа, а ктиторите г. Сашо Мијалков и г. Владимир Мијалков беа одликувани со орден “Св. Николај” од страна на Митрополитот Брегалнички г. Иларион. Нека е честито и од Бога благословено!, стои во соопштението на брегалничката митрополија.
ГАЛЕРИЈА
