Францускиот претседател Емануел Макрон во неделата изјави дека Руската православна црква дозволува да биде манипулирана од властите во земјата, за да ја оправдаат нивната војна во Украина и ја повика да се спротивстави на таквиот притисок.
Макрон, кој е во официјална посета на Италија, зборуваше во главниот говор на меѓународната конференција организирана од италијанската заедница Сант Егидио, светска мировна и добротворна групација ширум светот.
Вториот човек на Руската православна црква, митрополитот Антониј, седеше во првиот ред на конференциската сала со другите верски водачи додека зборуваше Макрон.
Францускиот претседател голем дел од својот говор на конференцијата, чиј наслов е „Крик за мир“, го посвети токму на Украина.
Патријархот Кирил, поглаварот на Руската православна црква, даде ентузијастичка поддршка за руската инвазија во Украина, која патријархот ја смета како бедем против Западот што тој го нарекува декадентен.
„Верските водачи исто така имаат улога на отпор кога ќе се соочат со глупоста на ваквите настани“, рече тој, мислејќи на војната во Украина.
Францускиот претседател Макрон присуствуваше на „Крикот за мирот“ во Рим.
„Добро знаеме како православната религија денес е манипулирана од страна на оние кои се на власт во Русија, за да ги оправдаат своите постапки“, рече Макрон. „Овде е потребен отпор“.
Макрон рече дека отпорот значи „никогаш да не се оправдуваш, никогаш да не паѓаш во стапицата, да не поддржуваш политички проекти кои имаат тенденција да го негираат достоинството на секој поединец“.
Ројтерс му пријде на митрополитот Антониј во конференциската сала по говорот на Макрон, но тој одби да коментира.
Ставот на патријархот Кирил за Украина, исто така, предизвика раздор со Ватикан и предизвика внатрешен бунт што доведе до прекинување на врските на некои помесни православни цркви со Руската православна црква.
Ко о чему , Макрон о поштењу! 🙂