Верски календар: 01 јуни
КАТОЛИЧКА ЦРКВА/ Св. Јустин.
Бил роден во вториот век, во Самарија. Ја проучувал филозофијата. Одлучил да стане христијанин. Како филозоф патувал и го ширел Христовото учење. Во своите записи му се обраќал на царот Марко Аурелиј, кој бил филозоф, и му докажувал дека христијанската вера е единствената вистинска филозофија. Поради тоа, бил изведен пред царскиот суд. Бил осуден на смрт. Свети Јустин и неговите ученици му се молеле на Господ и неговиот син, Исус Христос. Поради тоа, им биле отсечени главите. Свети Јустин бил битен сведок во најраното христијанско време.
