Претседателот Ѓорге Иванов, министерот за внатрешни работи, Оливер Спасовски и градоначалникот на Скопје, Коце Трајановски беа политичарите кои вчера дојдоа во Соборниот Храм, Свети Климент Охридски на канонизацијата на Јоаникиј Ракотински за нов светител.
Соборниот Храм во Скопје вчера како ретко кога беше полн со верници кои дојдоа за овој голем настан за Македонската Православна Црква.
Организацијата за прогласувањето на Јоаникиј Ракотински за Светител беше на извонредно високи ниво, а покрај верници од Македонија, на овој чин имаше гости и од соседните држави, каде исто така се почитува делото на Светиот Јоаникиј.
На канонизацијата дојдоа гости и од Грчката Православна Црква, Вселенската Патријаршија преку монаси од Света Гора, Албанската Православна Црква и од Бугарската Православна Црква.
