Бугарија доби патријарх по московски диктат, Данаил достоен на руските интереси

Најмладиот бугарски митрополиут Данаил со само 52 години ја стави Белата патријаршиска пана и стана Патријарх кој уште од самиот избор предизвика поделби во бугарското општество. Архимандритот Никанор објави дека ја напушта Бугарската православна црква по изборот на Данаил за Патријарх, бидејќи за него тој ги нема неопходните квалитети за да ја води бугарската црква.

-Неговите позиции сом кој тој ја оправдува руската агресија во Украина за мене излегуваат надвор од рамките на современиот човечки морал. БПЦ е предводена од човек кој се движи по друга патека од онаа по која се движи Бугарија во моменто. Утре ќе ја доставам молбата за напуштање на БПЦ, не би сакал да учествувам во овој спектакал. Јас не можам да бидам во една епархија со таков човек, кој ми е епархиски митрополит, човек кој има црковен однос, каков што јас не споделувам, изјави Никанор за бугарските медиуми.

Епископот Тихон пак вели дека се надева оти изборот на Данаил нема да предизвика поделби во самиот Синод

-Со него тешко ќе комуницирам. Тој е толку достоен, колку што добил мнозинство од гласовите на делегатите. Откако го добил мнозинството, тој е Патријарх на Бугарија. Но, јас не замислувам таков патриајрх, изјавил Тихон.

Верскиот аналитичар, новинар и историчар, Горан Благоев вели дека предизвикот на БПЦ со новиот Патријарх е голем.

-Човек кој не може да направи разлика од агресор и жртва, како денеска му пеат во храмот „Достоен“? Голем е предизвикот за Црквата со патријарх како Данаил, вели Благоев за бугарските медиуми.

Меѓу политичките партии кои први го поздравија изборот на Данаил за патријаех беа, проруските „Взражание“ и „Величие“. На Фејсбук, лидерот на „Взржадание“, Костадин Костадинов напиша: „Бог да му ги умножи деновите и неговите постапки“.

Меѓу огромните ракции по социјалните мрежи најчеси се до констатација дека „новото лице на БПЦ има московска гримаса“. „Од Софија со љубов кон Москва“.

Дел од паравославните аналитиари во регионот оценуваат дека неочекуваниот избор на Данаил е вовед во катастрофа на Бугарската црква.

Сепак и покрај жестоките реакции, Данаил беше привиот бугарски Патријарх интронизиран и со Воени плотуни во присуство на целокупниот државен и политички врв на Бугарија.