Скопскиот бискуп и Апостолски егзарх во Македонија, монсињор Киро Стојанов, во саботата на 12 март 2016 година и поголема група католички верници организирале искачување на врвот на Водно, наречено „побожноста Крстен Пат“ , пишува порталот „католици.мк“.
Искачувањето на група почнало во утринските часови од Средно Водно, од каде присутните се упатиле кон врвот на планината Водно каде се наоѓа Јубилејниот крст.
Низ 6 километри долгата патека верниците наизменично го носеле дрвениот крст, читајќи текстови од побожноста на Крстниот Пат, молејќи се и пеејќи пригодни песни.
-Кога групата пристигна на врвот на Водно под Јубилејниот крст, бискупот Стојанов ја молеше завршната молитва, изразувајќи радост заради реализирањето на оваа побожност која веќе станува традиција на парохијата, а и заради сведочењето на верата. Исто така, истакна дека со оваа молитва му ги прикажуваме на Бога нашите лични молитвени потреби, молитвените потреби на нашите семејства, пишува порталот, „католици.мк“
