На 8 ноември 2025 година, Неговото Блаженство, Архиепископот Охридски и Македонски г.г. Стефан, ги освети темелите за изградба на новиот храм посветен на свети великомаченик Димитриј Солунски во скопската населба Драчево.
На свечениот чин присуствуваше голем број верници, кои со молитва и радост го поздравија почетокот на изградбата на храмот. Меѓу присутните беа и градоначалникот на Град Скопје, г. Орце Ѓорѓиевски, како и градоначалничката на Општина Кисела Вода, г-ѓа Бети Стаменкоска-Трајкоска.
Новиот храм ќе претставува духовен центар за жителите на Драчево и поширокиот регион, а неговата изградба е дел од континуираните напори на Македонската Православна Црква – Охридска Архиепископија за обновување и зајакнување на верскиот живот во Скопје.
