Архиепископот на Албанија, Јован, пред неколку денови се сретнал со папата Лав XIV. Средбата се случила на маргините од меѓународната конференција „Osare la Pace“ во Колосеумот, каде што присуствувале повеќе религиозни лидери од целиот свет.
На средбата биле разгледани прашања од заеднички интерес, а била истакната важноста од враќањето на мирот и завршувањето на војните што го мачат светот. Посебна грижа била изразена и за младите луѓе, кои не се само иднината, туку и сегашноста.
Со доаѓањето на Јован за Архиепископ, Православната црква на Албанија отпочна еден тренд на тивка меѓународна активност, посветена на одржување пријателски и отворени односи со сите. Архиепископот Јован неодамна беше присутен и на меѓународната сеправославна конференција во Солун, по повод 100 години од црковното списание „Теологија“, каде што беше беше своевидна ѕвезда на настанот. Претходно го посети и Вселенскиот Патријарх Вартоломеј, при својата прва посета на Помесните цркви откако е избран за Архиепископ, што укажа на уважување на традицијата.
Оваа историска средба со Папата сведочи за заедничките напори на христијаните за мир, но и за негување на меѓухристијанскиот дијалог.
