Пожарот во кој на Велигден изгоре до темел Соброната црква на СПЦ „Свети Сава“ на Менхетен бил предизвикан од низгаснати свеќи, тврди комесарот на њујоршката противпожарна служба, Даниел Нигро.
Истрагата утврдила дека чуварот ги собирал недогаснатите свеќи, кои се уште тлееле, во картонска кутија, која потоа ја оставил во црквата.
И српскиот конзул во Њујорк, Маријана Живковиќ вели дека официјално истрагата потврдила дека не станува збор за подметнат пожар, но таа потенцира дека сепак од американските власти побарале сите детали од истрагата да бидат доставени на увид и на Конзулатот во Њујорк.
-Очекуваме дека тоа ќе биде веднаш по завршувањето на истрагата, изјавила Живковиќ, според чии зборови се уште е рано за да се зборува за конкретни резултати од истрагата.
