Месната митрополија на на Неа Јонија, Кипар, официјално го претставила „Логос“– систем за вештачка интелигенција наменет за православни верници кои бараат духовни одговори и богословски појаснувања. Самиот систем, како што е наведено, претставува „помош за духовната потрага и изучување на верата“.
Преку апликацијата корисниците можат да добијат толкувања на Светото писмо, објаснувања на преданието и делата на Црквата, информации за Светите тајни (крштение, причест, исповед), молитви, пастирски совети, како и упатства за духовно живеење и др.
Од креаторите на апликацијата јасно било нагласено дека „Логос“ не е замена за свештеник, ниту може да ја замени исповедта, молитвата или мистичната природа на Црквата – нејзината задача е да биде дигитално помагало, средство за образование и духовно појаснување, а не да има водечка улога во пастирската служба.
Проектот бил развиен во соработка со научната заедница – ИКТ-лабораторијата Херон и Универзитетот на Егејот, што ја истакнува сериозноста и намерите да се спојат традицијата на православното предание со современата технологија.
Со оваа иновација, Црквата во Грција покажува дека е подготвена да ја вклучи дигиталната ера во својата пастирска мисија — да ја направи верата подостапна за верниците, особено за помладите генерации, и да понуди проверени, традиционално основани одговори во време на информациски разновидност.
