Македонската црковна делегација, која веќе една недела е во посета на Руската црква, ја посетила и руската Санктпетербуршката Духовна Академија. На 13 октомври, владиците Петар и Николасе сретнале со претседателот на протоколниот оддел на Санктпетербуршката епархија, Иван Николаевич Судоса, и неговиот помошник, свештеникот Евгениј Тимофеев, кој за делегацијата организирал обиколка и запознавање со Академијата.
-Посетата се одржа во рамките на зацврстувањето на меѓуцрковните врски и запознавањето со системот на духовното образование во Русија. За време на посетата, гостите посетија два академски храма, каде што беа запознаени со светите мошти што се чуваат таму, го разгледаа Црковно-археолошкиот музеј и наставните простории. Особено внимание беше посветено на запознавањето со академската библиотека. Нејзиниот управител, архимандрит Стефан Садо, лично им покажа книги на македонски јазик и им раскажа за библиотечните фондови. На солејата на академскиот храм на светиот апостол и евангелист Јован Богослов, раководителот на меѓународниот оддел на Академијата, протојереј Димитриј Сизоненко, им врачи на гостите спомен-подароци — икона на небесниот покровител на Академијата и гравура со приказ на пренесувањето на моштите на светиот благоверен кнез Александар Невски во Санкт Петербург, пишува во веста објавена сајтот на Академијата.
Сајтот потсетува дека студенти од Македонија студираат на Санктпетербуршката Духовна Академија, што придонесувало за зајакнување на братските односи меѓу двете Цркви.
-Така, во 2010 година од богословскиот оддел дипломираа Филип Илиовски и Филип Станковски, а во 2016 година магистерските студии на библиско-богословскиот оддел ги завршија Живомир Јосифовски и Игорче Ризановски, пишува во веста.
