Романската православна црква доби престижна оценка за нејзиниот „православен модел за грижа“, што како современа политичка теологија оваа црква го практикува веќе неколку децении. Во Нант, Франција, се одржа Генералното собрание на претставници на земјите-членки на Европската мрежа за долготрајна нега, настан на кој присуствуваа претставници од 29 земји, вклучувајќи ја и Романија. „Духовноста во грижата“, е концепто што го презентирал претставникот на Романската црква, нагласувајќи ја важноста на духовните потреби во обезбедувањето долготрајна грижа за стари лица, хронично болни и лица со попреченост. Тој, исто така, ги презентирал статистички податоци за социјалната поддршка во Романија, како и активното учество на Романската православна црква, која, според него, е „најзначајниот општествен актер во земјата“, развивајќи широка мрежа на социјални и медицински институции во последните дваесет години.
Учесниците високо го оцениле моделот предложен од романскиот претставник како потенцијален стандард за интегрирање на духовната грижа во повеќе од 13.000 социо-медицински центри во Европа.
Романската православна црква е водечки давател на услуги за долготрајна нега во Романија, управувајќи со широка мрежа на социјални и медицински институции насочени кон стари лица, лица со попреченост и пациенти на кои им е потребна палијативна нега. Во 2024 година, обезбеди социјална, добротворна и медицинска помош преку 867 институции и услуги, вклучувајќи домови за стари лица, центри за рехабилитација и палијативна нега, како и социјални кујни и дневни центри.
