Во пораката што папата Франциск ја испрати на Твитер на 30 октомври 2016 година, ден пред историското патување во Шведска напиша: „Молете се за мене за моето патување во Шведска да придонесе за единство на сите христијани. “
Римокатоличкиот поглавар од вчера е во посета на Шведска, каде одржа заедничка молитва со Лутеранците како голем чекор кон историско помирување меѓу христијаните по 500 години од големиот раскол во Католичката црква, или познат како процес на Реформација. Овој раскол беше и повод и за големите крвави страдања во Европа.
