Вселенскиот патријарх Вартоломеј на 28 јануари 2026, замина во официјална повеќедневна посета на Солун, каде што ќе предводи богослужби и ќе учествува на значајни црковни, академски и општествени настани.
Централно место во посетата има одбележувањето на празникот на Светите Три Јерарси, како и свеченостите по повод 155 години од основањето на Филантропското братство, на кои Патријархот ќе одржи и главно обраќање.
Во рамки на престојот, Вселенскиот Патријарх ќе присуствува и на отворањето на нова академска катедра при Богословскиот факултет на Солунскиот универзитет, ќе реализира хуманитарни посети на здравствени и социјални установи, како и средби во повеќе митрополии во солунскиот регион.
Посетата се оценува како значајна, не само од црковен, туку и од поширок духовен и општествен аспект.
