Српската дијаспора ширум светот – од Европа и Северна Америка, преку Австралија, до Азија – денес организира синхронизирани комеморативни собири во знак на сеќавање на 16-те жртви од уривањето на покривната конструкција на Главната железничка станица во Нови Сад.
Во акцијата се вклучи и српската заедница во Германија, каде во еден од градовите беше одржана 16-минутна тишина во чест на загинатите.
Меѓу присутните бил и митрополитот Германски, архиепископот Диселдорфско-берлински Григорије, кој во својата порака изразил сочувство и поддршка за семејствата на жртвите.
Владиката Григорије и претходно јавно ја изрази својата поддршка на студентите во Србија, нагласувајќи дека нивното достоинство е нивната најголема сила, а дека „бруталноста на полицијата кон невини граѓани и студенти не е знак на сила“.
