Светиот архијерејски синод на Македонската Православна Црква – Охридска Архиепископија, на својата редовна седница во работен состав, (Владиците Петар, Тимотеј и Архиепископот Стефан), донел одлука да ги поздрави одлуките на оние помесни православни цркви кои во меѓувреме ја признаа како автокефална Црква МПЦ-ОА, или ја примија во евхаристиско и канонско општење.
-Македонската Православна Црква – Охридска Архиепископија е чувар на нејзиниот Уставен поредок и норми кои што се однесуваат на нејзиното уставно име МПЦ – ОА и нејзиниот автокефален статус и се раководи по светите канони, догми, Светото писмо и Светото предание. Поглаварот и архијереите – членови на Синодот на Светата Македонска Православна Црква категорично ги чуваат, одржуваат и не се откажуваат од нив, стои во соопштението на САС на МПЦ-ОА.
