Интересна средба во духот на меѓусебна почит се случила во петокот во џамијата во Сарај.
Отец Ивица Тодоров, свештеник на МПЦ, по петочната молитва ја посетил џамијата во општината. Негов домаќин бил имамот Шабан Тахири.
Отец Тодоров и имамот Тахири разговарале за прашања кои се во духот на меѓуверската почит.
До редакцијата на „Религија.мк“ пристигнаа фотографии, кои покажуваат дека верските заедници во Македонија, занаат да бидат „На иста страна“, кога станува збор за искрен пристап кон меѓуверската почит.
Оние кои ја знаат и почитуваат својата вера, знаат и умат да го почитуваат и различниот од себе.
„Религија.мк“ го поздравува овој гест и посакува што повеќе вакви слики. Честитки до Отец Тодоров и Имамот Тахири.
