Ѓаконот Љупче Силев од Чашка е новиот свештеник на Повардарската епархија на МПЦ. Владиката Агатангел го ракоположи на 11. Ноември 2018 година во Неготино, на денот кога Црквата го слави споменот на преподобна Анастасија Римјанка.
На Литургијата, Митрополитот Агатангел во своето слово, му пренесе поука до новиот свештенослужител пред Престолот Божји, ревносно и совесно да ја чува и проповеда Православната вера и верно да Му служи на Господ Исус Христос и на својот македонски род.
