Македонска православна младина од МПЦ во Австралија испратила писмо со честитки за јубилејот на Митрополитот Тимотеј, кој сега е и надлежен администратор на австралиско-сиднејската Епархија на МПЦ.
-Со особена радост Ви ги честитаме Вашите два значајни јубилеи: 65 години од Вашето раѓање и 35 години од Вашата архиерејска служба во Македонската Православна Црква. Честитајќи Ви ги Вашите значајни јубилеи, но и спомнувајќи си за Вашата искрена и саможртвена архиерејска посветеност на нивата Господова сиве сите години, го молиме Троедниот Бог – да Ве дарува со долголетие, крепко здравје, татковска љубов, сила и мудрост за правилно да раководите со Вашата Богомдарувана и доверена паства и да зрачите по примерот и ревноста на светите Седмочистленици во одбрана на вистинското Православие, стои во честитката.
