Со остар говор, Архиепископот на Хелсинки и цела Финска Леон ја обвини Московската патријаршија за напуштање на христијанските принципи и прифаќање на опасна идеологија.
Говорејќи на Генералното собрание на неговата Црква, архиепископот Леон, кој неодамна го објави своето пензионирање, ја искористи параболата за Добриот Самарјанин, за да ја нагласи важноста да им се помогне на оние кои имаат потреба. Тој ги критикуваше верските институции кои замижуваат пред страдањето, и во и надвор од верската сфера.
Неговата најостра осуда беше резервирана за Московската патријаршија. Архиепископот Леон изјави дека „еден нов тоталитаристички мит и идеологија“ го замени православието во Москва, спој на „руски месијанизам, православен фашизам и етнофилетизам“. Тој ја обвини Патријаршијата дека промовира „манихејска ерес“ која го дели светот на добро и зло.
Оваа загриженост, тврди Архиепископот Леон, имаат директни последици во Финска. Тој изрази загриженост дека „рускиот експанзионизам“ и инвазијата врз Украина, благословени од Московската патријаршија, можеби си нашле свои сојузници и во православната заедница на Финска.
Архиепископот на крајот ја истакна важноста на црковното единство во вистинско христијанско дејствување. Тој повика на обединета Црква, за да ги поддржува евангелските вредности и да се соочи со овие предизвици.
