Папата Франциск ќе испрати двајца свои најблиски соработници како гости на Сеправославниот Собор на островот крит, пишува „Catholic herald“.
Како гости на Соборот ќе присуствуваат претседателот на Папскиот Совет за промовирање на христијанското единство, Кардиналот Курт Кох и секретарот на советот епископот Брајан Фарел.
Папата оваа делегација ја праќа, откако тоа од него во писмо и официјално го побарал, Вселенскиот патријар Вартоломеј.
-Испраќањето на висока делегација од Ватикан покажува дека ни се исклучително важни односите со Православната црква, изјавил епископот Фарел.