Терористичката групација Исламска држава (ИД) планира серија напади во неколку европски држави, тврди британски „Тајмс”, повикувајќи се на изјава на американскиот генерал Руперт Џонс, кој е дел од операциите на антиџихадистичката коалиција во сирискиот град Манбиџ.
Во исто време ТАСС јави дека мадридската полиција денеска уапсила четири лица под сомнеж дека се поврзани со криумчарска мрежа задолжена да внесува борци на ИД во Европа.
Според шпанското Министерство за внатрешни работи, преку оваа мрежа минале и припадниците на ИД, кои ги извршија минатогодишните напади во Париз.
Според истрагата, уапсените во Мадрид биле во контакт и со барем еден од двајцата терористи, кои беа уапсени лани во австрискиот град Салцбург, под сомнеж дека се поврзани со нападите во францускиот главен град.
