По одржаниот 40-дневен помен по неговата смрт, Синодот на Албанската автокефална црква го отвори тестамент на архиепископот Анастасиј.
– Во тестаментот стои дека сите негови финансиски заштеди како архиепископ и припаѓаат на Албанската црква. Половина од нив да бидат потрошени во завршувањето на катедралата „Воскресение Христово“ во Тирана, додека остатокот да се користи за поддршка на платите на свештениците и за развој на црковните младински програми на албанската црква, објави Албанската автокефална православна црква (ААПЦ) на официјалната страна на Фејсбук.
Книгите, чиј автор е тој треба да се предадат на библиотеката на Православната богословска академија „Воскресение Христово“, а дел од нив, симболично, да им бидат подарени на други митрополити.
Книгите лоцирани во Атина се донирани на библиотеката на Центарот „Порефтентес“, кому му ги префрла и авторските права од продажбата на негови книги.
Поглаварот на Албанската црква, почина на 25 јануари во болницата „Евангелизам“ во Атина, каде што се лекуваше од 3 јануари.
Роден е на 4 ноември 1929 година во Пиреја. За архиепископ на Тирана, Драч и цела Албанија, како што беше неговата титула, беше избран во јуни 1992 година, кога во исклучително тешки околности ја основа и ја разви автокефалната Албанска православна црква, која беше целосно запоставена во децениите на комунистичкиот режим.
