Србија го одликуваше Митрополитот на Дидимотихо, Орестијада и Суфли Дамаскин, владика на грчката православна црква со особени заслуги за значаен придонес за зачувување на историското паметење. Сретенскиот орден му беше доделен во Историскиот музеј во Белград од министерот за култура Никола Селаковиќ, а во име на претседателот на државата Александар Вучиќ.
Српскиот министер за Кутура потенцирал дека Митрополитот Дамаскин е одликуван „поради неговиот значаен придонес за зачувување на историското паметење, за одржување на православието и за зајакнување на братските врски меѓу српскиот и грчкиот народ“.
Ореденот за митрополитот Дамаскин доаѓа поради тоа што тој ја раководи митрополијата во област, која била поле на значајни настани за српската историја, меѓу нив Маричката битка од 1371 година, кога христијанските сили на балканските народи се обединиле за да го спречат продорот на Отоманската империја на Балканот. Во таа битка загинал српскиот властелин Јован Угљеша.
-Маричката битка испраќа порака за единство меѓу балканските народи (независно од националноста), кои треба да се изборат за заедничките христијански идеали, изјавил Митрополитот Дамаскин.
Инаку, Митрополитит Дамаскин изминатиов период имаше зачестена комуникација со владици на МПЦ-ОА. Доаѓаше во Македонија на сослужување, а неколку пати во неговата епархија на сослужување одеше и Митрополитот струмички Наум.
Митрополитот Дамаскин е дел од комисијата на Грчката црква која го анализира македонското црковно прашање.
Можеби е коинциденција, но секако е за одбележување дека ореденот од Србија доаѓа токму во период кога овој владика гради добри и пријателски релации со МПЦ-ОА.
