Годинава во 80 градови во Mакедонија, како и во дијаспората организирани Бадникови поворки. Илјадници дечиња, пеејќи ја песната „Вечниот Бог“ го најавија големиот христијански празник Божиќ. Централната манифестација беше во Скопје.
Дечињата пресреќни, на овој начин учат за својата христијанска вера. Дождот не ја запре радоста: илјадници ангелски гласови на Бадниковата поворка во Скопје.
Поворката помина од музејот на Град Скопје, по улица Македонија, се до градскиот плоштад. Таму имаше забава за најмалите.
