На 14 февруари 2026 година, митрополитот на цела Украина, Епифаниј, оствари средба со најмладите извидници и нивните родители во просториите на Киевската православна богословска академија.
Поглаварот на автокефалната Православна црква на Украина се помоли заедно со децата, поразговара со нив и им врачи пригодни подароци. Во своето обраќање до родителите, митрополитот Епифаниј ја нагласи важноста од правилното воспитување на младата генерација, истакнувајќи дека љубовта кон Украина и почитта кон ближниот треба да се всадуваат уште од најрана возраст.
Тој посочи дека непријателот настојува да го уништи украинскиот народ, но нема да успее, зашто силата на Украинците се темели врз единството, верата и истрајната, посветена работа.
Митрополитот ја подвлече потребата од молитва и труд за заедничка победа, која, како што рече, се изградува не само на фронтот, туку и во заднината, преку секојдневниот одговорен ангажман на секој поединец. Тој ја истакна и улогата на извидништвото како воспитна средина за младите, која придонесува за развивање на националната свест и зацврстување на духовниот и националниот идентитет.
Воедно, повика на постојано молитвено сеќавање за оние кои ја бранат Украина на фронтот, како и за сите што ги положиле своите животи за слободата и иднината на татковината.
