Вкупно 210 катехумени ја примиле светата тајна Крштение на самиот крај на 2025 година во епархијата Катагкапри Патријаршијата на Александрија, продолжувајќи ја веќе воспоставената традиција на масовни крштевки на крајот од годината во овој регион.
Богослужбата се одржала во црквата „Св. Георгиј“ во Колвези, каде што епископот Козма од Константијана ја предводел Литургија, по што го извршил и чинот на Крштението. Настанот бил реализиран и покрај неповолните временски услови.
Според црковни извори, крајгодишните крштевки се веќе утврдена пастирска практика во Демократска Република Конго, каде што Православието бележи континуиран раст. Во декември 2022 година во истата епархија биле крстени 230 лица, а уште 172 во јануари 2023 година.
Набљудувачи на црковниот живот во регионот истакнуваат дека меѓу новокрстените има луѓе од различни возрасти, кои претходно припаѓале на други христијански заедници и верски движења, а сега се приклучуваат кон Православието. „Навистина е трогателно да се види како луѓе од сите возрасти стануваат православни христијани и влегуваат во заедницата на едната, света, соборна и апостолска Црква“, наведуваат локални извори.
Овој настан се вклопува во пошироката мисионерска и пастирска дејност на Патријаршијата на Александрија, која во последните години бележи значајно зајакнување на православното присуство во Африка, особено во централните и јужните делови на континентот.
