Во новата епизода на поткастот „Смисла“ со Отец Бобан и Сестра Ефимија, гостинка е невропсихологот Тина Васков.
Темата на разговорот отвора длабока и актуелна дилема: Која е вистинската смисла на постот – духовна, психолошка и телесна?
Во оваа епизода се зборува за: – Глад за мир: Психологија на постот – дали воздржувањето учи да се разбере сопствениот внатрешен немир и да се изгради стабилност? – Дисциплина на умот – како постот влијае врз емоциите, импулсите и самоконтролата?
Емоционална интелигенција преку воздржување – дали преку свесна жртва се учи подобро да се сака, трпи и простува?
Посебен акцент се става на простувањето – како духовен чин, но и како психолошка потреба.
Што се случува со организмот кога човек носи лутина, огорченост и непростување? Какви штети трпат телото и умот кога срцето останува затворено?
Ова е разговор што ги поврзува верата и науката, духовниот подвиг и современата психологија – во потрага по вистинската смисла на постот како пат кон внатрешна слобода и мир.
Погледнете ја целата епизода.
