Аташето за религиозни прашања на Саудиска Арабија од амбасадата во Сараево, Абделмешад Гајти бил на средба со поглаварот на Исламската верска заедница, Сулејман Реџепи, објави прес службата на ИВЗ.
На состанок било разговарано за состојбата на муслиманите во Република Македонија и потребата од соработка за важни прашања од научните и религиозните сфери.
-Двете страни се согласија да интензивирање на соработката во сите сфери од витално значење за муслиманите во Македонија, стои во соопштението на ИВЗ.
За време на посетата на саудискиот дипломат тој посетил неколку џамии во скопско, како и верските институции на ИВЗ, Медресата и Факултетот за исламски науки.
